Imma erraichbor digital

Blank 1, Gedicht, Kultur*, Kurioses, Land&Leute*, Lifestyle, Mediennutzung - By Siegfried Deutsch on Tuesday, June 24, 2008 - 11:28

Imma erraichbor digital

is muats modern und obnormal.

Ob Kirchen, Postbus, im Spitol,

laitn tuats hait iwaroll.

Sölbst waonnst am intimsten bist

und owilosst dein Haislmist,

kaonns ob und zua gaunz leicht passieren,

dass si die Verwandten riahrn.

Die Mitzi Tant, kummt mir fost viar,

hot firn Moment as beste Gschpiar.

Akkrat wennst ozupfst as Papiar,

die Hosen unten ba die Knia,

hinterhöltig und sekkant,

ruafts aou die oldi Mitzi Tant.

Dann hoaßts gschickt sei,

Gleichgwicht holtn,

sunst hauts di um

bam Handy scholtn.

Ans Schlimmsti wüll i gor

net denken,

as Handy kunnst dabei ertränken.

Bam Schnaxln vorigs Mol is gwen,

do wullt die Oma mit mir redn.

Sofort bin i dann owakupft

und hob as Handy aussa zupft.

Erraichbor muass ma imma sei.

Und mit da Maid is a vorbei.

Koa Schnaxl mehr,

koa Liebestuscheln,

hians kaou i mit meim

Handy kuscheln.